Картуфты һәм һуғанды сәсеүгә әҙерләйбеҙ

✓ Картуф орлоғо шытып сыҡһын өсөн уны ай аҙағында уҡ һайлағыҙ. Шытып сығыу ваҡытын иҫәпләгәндә, картуф ултыртыуҙың ғәҙәти ваҡытын иғтибарға алығыҙ.
Ғәҙәттә, 4 - 6 аҙна талап ителә. Картуфты йылы урынға (18 градус) ике аҙна самаһына һалығыҙ. Уларҙы дымлы ағас онтағы, торф йәки ҡом һалынған бейек булмаған йәшниктәргә һалырға мөмкин. Артабан картуфты яҡты, йылы (13 - 15 градус) бүлмәгә күсерегеҙ.

✓ Ваҡ һуғанды ултыртыуға бер ай ҡалғас, март аҙағында, һалҡын шарттарҙа һаҡланған орлоҡто йылы бүлмәгә ултыртығыҙ.
Һуған орлоҡтарында күҙәнәк барлыҡҡа килмәһен өсөн, уны 30 градус температурала 2-3 көн киптерегеҙ. Һуңынан һуғанды ултыртҡансы 18 - 20 градуста һаҡлағыҙ.