Башҡортостанда дауыл ваҡытында 14 йәшлек ҡыҙ зыян күргән

Бишбүләк ауылында тәбиғәт ғәрәсәте ваҡытында бәхетһеҙ осраҡ теркәлгән. 20 июлдә район биләмәһендә көслө ел сыҡҡан. Майҙаны 80 квадрат метрлыҡ сауҙа бинаһының ҡыйығы емерелеп төшкән.

«2007 йылғы ҡыҙ зыян күргән, ул дауаханаға оҙатылған», — тип белдерҙеләр Башҡортостан Ғәҙәттән тыш хәлдәр министрлығының матбуғат хеҙмәтендә.

Ҡыңғыр-Мәнәүез ауылында дауыл шәхси гараждың ҡыйығын осороп төшөргән. Был осраҡта бер кем дә зыян күрмәгән.

https://www.bashinform.ru/news/1620834-v-bashkirii-vo-vremya-uragana-postradala-14-letnyaya-devochka/