+4 °С
Болотло
Бөтә яңылыҡтар
Сәйәсәт
9 Декабрь 2021, 09:20
Республикала яңы баш дәүләт автоинспекторы тәғәйенләнде
Билдәле булыуынса, Башҡортостан Республикаһы буйынса Эске эштәр министрлығының Юл хәрәкәте хәүефһеҙлеге дәүләт инспекцияһы идаралығының элекке етәксеһе Динар Ғилмутдинов Дәүләт Думаһы депутаты итеп һайланғайны.
Республикала яңы баш дәүләт автоинспекторы тәғәйенләнде
Билдәле булыуынса, Башҡортостан Республикаһы буйынса Эске эштәр министрлығының Юл хәрәкәте хәүефһеҙлеге дәүләт инспекцияһы идаралығының элекке етәксеһе Динар Ғилмутдинов Дәүләт Думаһы депутаты итеп һайланғайны.
Рәсәй Эске эштәр министрлығы бойороғо менән уның урынына полиция полковнигы Владимир Александрович Севастьянов тәғәйенләнде.
Башҡортостан буйынса Юл хәрәкәте хәүефһеҙлеге дәүләт инспекцияһының матбуғат хеҙмәте хәбәр итеүенсә, Владимир Александрович 1980 йылдың 1 мартында Нефтекамала тыуған. 2000 йылда Рәсәй Эске эштәр министрлығының Өфө юридик институтын тамамлаған. Шул уҡ йылдың ноябрендә Нефтекама Эске эштәр идаралығы ЮХХДИ бүлегенең юл күҙәтеүе дәүләт инспекторы вазифаһына тәғәйенләнә. 2003 йылдың мартынан 2010 йылдың июненә тиклем ҡаланың Юл-патруль хеҙмәте полкында төрлө вазифаларҙа эшләй.
2010 йылдың июненән Башҡортостан республикаһы буйынса Эске эштәр министрлығы ЮХХДИ идаралығының юл-патруль хеҙмәте, эҙләү һәм административ практика бүлеген етәкләй. 2013 йылдың декабрендә Рәсәй Эске эштәр министрлығының Өфө буйынса идаралығы ЮХХДИ юл-патруль хеҙмәте полкы командиры вазифаһына тәҡдим ителә. 2018 йылдың ноябрендә Башҡортостан Республикаһы буйынса Эске эштәр министрлығының ЮХХДИ идаралығы етәксеһе урынбаҫары булып эшләй.
Рәсәй Эске эштәр министрлығының «Хеҙмәт батырлығы өсөн», «Бурысҡа тоғролоҡ өсөн» миҙалдары менән бүләкләнгән.
Республикала яңы баш дәүләт автоинспекторы тәғәйенләнде