Участкалар әҙерлеге тикшерелә

Тәү сиратта адресы үҙгәргән урындарға иғтибар бирелә. Ҡалала 2556-сы, 2557-се һайлау комиссиялары. Улар элек 8-се мәктәптә урынлашҡайны. Уҡыу йортона капиталь ремонт үткәрелгән осорға һайлау комиссиялары 32-се биҫтә, 17-се йорт адресы буйынса урынлашҡан 3-сө «Хыял» балалар баҡсаһы бинаһында эшләйәсәк. Мәләүез күп профилле һөнәри колледжында ла ҙур ремонт үткәрелә, шуға күрә 2558-се һайлау участкаһы спорт залынан уҡыу йорто фойеһына күсерелә.

Бынан тыш, Боһорман ауылының 2598-се участкаһы һайлаусылары көҙгөһөн Әбет ауылы, Үҙәк урам, 51 (мәҙәниәт йорто бинаһы), элек Петропавловка ауылының 2575-се һайлау участкаһына беркетелгәндәр Богородский ауылы, Үҙәк урам, 4 (мәктәп бинаһы) участкаларында тауыш бирәсәк.

Иҫегеҙгә төшөрәбеҙ, 2024 йылда Мәләүез ҡалаһында Ленин урамы, 3 адресы буйынса 2547-се һайлау участкаһы (УКЖХ бинаһы) 5-се мәктәпкә (Мәләүез ҡалаһы, Көньяҡ урамы, 5-се йорт) күсерелде. Воскресенский ауылындағы 2590-сы һайлау участкаһы ла адресын үҙгәртеп, Ленин урамы, 34 адресындағы мәҙәниәт йортонан Воскресенкий ауылы, Зорге урамы, 42 адресы буйынса мәктәп бинаһына күсте. Александровка ауылының 2591-се һайлау участкаһы шулай уҡ Үҙәк урам, 51 адресы буйынса эшләгән мәҙәниәт йортонан Александровка ауылы, Үҙәк урам, 49 адресы буйынса урынлашҡан мәктәп бинаһына күсерелде.

Тауыш биреү өсөн биналарҙың терроризмға ҡаршы, янғын хәүефһеҙлеген тәьмин итеү талаптарына, биналарға ҡаршылыҡһыҙ инеү өсөн шарттар булдырыу әҙерлеген тикшереү август айының икенсе яртыһына планлаштырылған. Шулай уҡ Рәсәй граждандарының һайлау хоҡуҡтарын тормошҡа ашырыуҙы тәьмин итергә мөмкинлек биргән технологик ҡорамалдарҙың нормативтарға ярашлылығы ла тикшереү үтәсәк.

Территориаль һайлау комиссияһы.