Нәтәҙе тауына менгәнегеҙ бармы?

 Нөгөш йылғаһының Ағиҙелгә ҡушылған урынында ул мөғжизә урын. Уның үренә тик тырыштар ғына менеп етәлер. Күккә тейерҙәй текә тауға туҡтай-туҡтай үрмәләп  еткәс тә офоҡта икһеҙ-сикһеҙ тәбиғәт күренеше асыла.Арығаның да ҡул менән һыпырып юҡҡа сыға. Аяҡ аҫтында  яр, һыу төбөндә ятҡан таштарға оҡшаш ялпаҡ кәйелтмәктәр, әйтерһең дә ҡасандыр бында диңгеҙ булған...Был хәтирәләр менән тау башын яулаған кешеләр уртаҡлашты. Алла бойорһа, Нәтәҙе тауы башынан ғорур баҫып торор көнөм алда булыр, тимен.