Ит яратаһығыҙмы?

Ғалимдар уны күп кенә ауырыуҙарҙан һаҡлай, тип иҫбат итә.

Ит ашау һөйәктәрҙе нығыта, уның һыныу ҡурҡынысы 69 процентҡа кәмей. Остеопороз, сколиоз осраҡтары ла кәмей.

Ҡош ите, бигерәк тә бот һәм балтыр өлөшө иң аҙ калориялы тип һанала. Шуға ҡарамаҫтан, уны ашағас, туҡлыҡ тойғоһо барлыҡҡа килә. Кешенең тамағы өс-дүрт сәғәткә туя, ашауға ихтыяж да 10-15 процентҡа кәмей . Шуға күрә ябығырға уйлаған кешегә ҡош итенә өҫтөнлөк бирергә кәңәш ителә.

В витаминына бай булғанлыҡтан, ит баш мейеһе эшсәнлегенә ыңғай йоғонто яһай. Даими ит ашаған кешенең хәтере, фекерләү һәләте яҡшыра. Ит ашау Альцгеймер кеүек ҡартлыҡ ауырыуын киҫәтә. Ғалимдар ит ашаған кешенең стресс һәм депрессияға һирәк бирешеүен асыҡлаған.