Тормош йөгөн тартыр ирҙәр бар бит ул

Ауыл хужалығы - ҡатмарлы тармаҡ, тәбиғәт шарттары йыл дауамында эшсәндәрҙең түҙемлек һәм тәжрибәһен һынау менән сыныҡтыра. Өмөттө аҡларлыҡ уңыш үҫтереп алыу, етерлек мал аҙығы туплау игенсенән икеләтә тырышлыҡ талап итә. Яҡташтарыбыҙ был һынауҙы лайыҡлы үтә, “Нурлы” агрофирмаһы йәмғиәте эшсәндәре - шулар иҫәбендә. Эшмәкәрлегенә ун йылдан ашыу ваҡыт үткән йәмғиәтте ошо ауылда тыуып үҫкән Ғүмәр Иҫәнов етәкләй. Ғәмле лә, дәртле лә, сәмле лә ир уҙаманы ошо көндәрҙә үҙенең 60 йәшлек юбилейын ҡаршылай. Форсаттан файҙаланып, Ғүмәр ағайға бер нисә һорау менән мөрәжәғәт иттек.