Именлегебеҙ - улар ҡулында

Йәкшәмбелә Рәсәй Эске эштәр органдары хеҙмәткәрҙәре үҙенең һөнәри байрамын билдәләне. Шул айҡанлы ҡала мәҙәниәт һарайында тантана үтте. “Мәләүез эске эштәр бүлексәһе хеҙмәткәрҙәре профилактик эштәргә, операциялар, махсус рейдтар үткәреүгә ҙур иғтбар бирә, граждандарҙың хоҡуғын һәм милкен һаҡлау, енәйәтселек менән көрәш буйынса үҙҙәренә йөкмәтелгән бурыстарҙы ышаныслы үтәй”, - тип билдәләп үтте район хакимиәте башлығы урынбаҫары Геннадий Шлычков.

Район-ҡала эске эштәр бүлеге начальнигы, полиция полковнигы Сергей Родионов ойошмала үҙ эшен белгән хеҙмәткәрҙәр эшләгәнен әйтеп үтте. Быйыл йәмәғәт урындарында ҡылынған енәйәттәр һаны 15,4 процентҡа кәмеүе шул хаҡта һөйләй. Балиғ булмағандар ҡатнашлығында хоҡуҡ боҙоуҙар һаны, юл-транспорт ваҡиғалары ла аҙайған. Енәйәттәрҙе асыҡлауҙың ыңғай күренеше, тәү сиратта, полиция хеҙмәткәрҙәренең һөнәрилегенә фиҙаҡәрлегенә бәйле.

Сарала именлек һаҡсыларына ихлас күңелдән рәхмәт һүҙҙәре яңғыраны, үҙҙәренә йөкмәтелгән бурысты яуаплы атҡарған хеҙмәткәрҙәр атап үтелде, шулай уҡ лайыҡлыларға миҙалдар, маҡтаулы исемдәр, Рәхмәт хаттары тапшырылды. Үҫеп килгән быуынды тәрбиәләүҙә үҙ өлөшөн индергән хеҙмәт ветерандары, предприятие вәкилдәре, халыҡ дружинаһы ағзалары ла иғтибарҙан ситтә ҡалманы.

Тантаналы сара байрам концерты менән тамамланды.

Читайте нас:

Сайт общественно-политической газеты г. Мелеуз и Мелеузовского района Республики Башкортостан «Конгэк».

Об использовании персональных данных

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 26 авгусында бирелгән ПИ № ТУ 02-01429-се һанлы теркәү тураһындағы таныҡлыҡ.

Баш мөхәррир Абдрахманова Л.А.

Электрон почта

[email protected]

Адресы

Башҡортостан республикаһы, Мәләүез ҡалаһы, Воровский урамы, 6-сы йорт.

Телефон

+7 (347-64) 3-52-07