+1 °С
Болотло
Бөтә яңылыҡтар
Рәмзилә Хисаметдинова шиғырҙары
Һыныр тип тә мине көткәндәр бар,Һынмағанмын әле, һынмағанмын.Тыныр тип тә мине көткәндәр бар,Тынмағанмын, әлдә тынмағанмын.
Мин - ҡатын-ҡыҙ
Һыныр тип тә мине көткәндәр бар,
Һынмағанмын әле, һынмағанмын.
Тыныр тип тә мине көткәндәр бар,
Тынмағанмын, әлдә тынмағанмын.
Тоҡандырам усаҡ - утты тотам,
Гөлдәргә һыу һибәм - дымды тотам.
Хәләл икмәгемде ҡайырып теләм,
Тыуыр балаҡайға бишек эләм.
Мин - ҡатын-ҡыҙ. Абынһам да,
Үҙ-үҙемә тотоноп туры ҡалам.
Мине һайламайҙар - мин һайлайым,
Һайлағанға йәнә тоғро ҡалам.
Эйәләштерәмен ҡырағайҙы -
Һалҡын ҡараш, ҡырыҫ холоҡтарҙы,
Ары ташлап бары ирҙәр өсөн
Ҡулай булған беше ҡороҡтарҙы.
Мин - ҡатын-ҡыҙ. Күптәр түгел,-
Берәү һынар минең атҡарғанды.
Күңел күҙе менән күреп таныр
Тыштан түгел, эстән яҡтырғанды.
*******
Һөйгәндәр
Һөйгәндәр хыянат итә -
Һөйгәндәр ташлап китә,
Яҡшы-яман ҡаршыһында
Түбәнһетә, кәмһетә.
Һөйгәндәр кире киләләр -
Яңылыша һөйгәндәр.
Яҡшы - яман ҡаршыһында
Улар аҙмы түҙгәндәр!
Яҡшы - яман ҡаршыһында
Сәйер инде һөйгәндәр -
Берсә танауын сөйгәндәр,
Берсә башын эйгәндәр...
Һүҙ әйтмәгеҙ һөйгәндәргә -
Уларға һуң кем етә:
Һөйгәндәрҙе яттар түгел,
Һөйгәне ғәфү итә!
Рәмзилә Хисаметдинова
Читайте нас:
© 2024 Башҡортостан Республикаһы Мәләүез районы "Көнгәк" ижтимағи-сәйәси гәзитенең рәсми сайты.
Сайт общественно-политической газеты г. Мелеуз и Мелеузовского района Республики Башкортостан «Конгэк».
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 26 авгусында бирелгән ПИ № ТУ 02-01429-се һанлы теркәү тураһындағы таныҡлыҡ.
Баш мөхәррир Абдрахманова Л.А.
Электрон почта
Адресы
Башҡортостан республикаһы, Мәләүез ҡалаһы, Воровский урамы, 6-сы йорт.
Телефон
+7 (347-64) 3-52-07