+2 °С
Болотло
Бөтә яңылыҡтар
1 сентябрҙә уҡыусылар парта артына ултыра
Быйылғы уҡыу йылын түҙемһеҙлек менән көтәбеҙ: ни булыр, беренсе класҡа барыусылар тәүге тапҡыр мәктәп ишеген үрелеп асырмы әллә монитор аша ғына уҡытыусыларын күрерме? Ваҡыты менән ситтән тороп уҡыу уңайлы күренһә лә, күптәр ҡәҙимгесә мәктәпкә йөрөүҙе хуп күрә. Мин үҙем дә тулҡынланам: өс ейәнсәрем 1 сентябрҙе көтөп ала алмай, кесеһе беренсегә бара – мәктәпкә бармаһа, үҙен уҡыусы итеп тә тоймаясаҡ. Шуға күрә Башҡортостан Башлығы Радий Хәбиров Хөкүмәттә үткән оператив кәңәшмәлә уҡыу йылының ғәҙәттәгесә башланасағы тураһында хәбәр итеүен ҡыуанып ҡаршы алдыҡ. 1 сентябрҙән әлегә дежур төркөмдәр генә эшләгән балалар баҡсалары ла тулыһынса эш башлай.Уҡыу барышын ойоштороу тәртибе лә аныҡланды (ҡағиҙәләрҙе сайтҡа инеп танышығыҙ). Фото: amp.akcenty.com.ua
Республика Башлығы белдереүенсә, бындай ҡарар ҡабул итеүе еңел түгел, сентябрҙең тәүге өс аҙнаһында әле һаман таралған коронавирус инфекцияһы шарттарында ауыр эпидемиология миҙгеле көтөлә. Уның фекеренсә, уҡыу йорттары сир усағына әйләнмәһен өсөн берҙәм булырға, һаҡлыҡ сараларына етди ҡарарға кәрәк. Был - санитар-эпидемиология талаптарын ентекле үтәү, ҡәтғи ойоштороу эше, тәртип һаҡлау, даими дезинфекция һәм башҡалар. Төп талап - яңы ҡағиҙәләрҙе күҙәтеү.
- Мәктәптәрҙә кабинет системаһы индерелә. Физкультура, физика, химия, информатика һәм технологиянан башҡа дәрестәрҙең барыһы ла бер класта ғына үткәрелә.
- Тәнәфес һығылмалы, йәғни ирекле, төрлө ваҡытта ойошторола.
- Өлкәндәргә битлекһеҙ йөрөргә ярамай.
- Белем биреү учреждениеһында бөтә ишектәр ҙә асыла, уҡытыусылар һәм уҡыусылар өсөн инеү-сығыу урыны айырым булыуы зарур.
- Класс һәм коридорҙы графикка ярашлы елләтеү, уларҙы дезинфекция саралары менән даими эшкәртеү мөһим.
- Балалар күпләп йыйылған урындарҙа – ашхана, спорт залы, коридорҙарҙа - һауа рециркулярҙары ҡуйылырға тейеш.
- Һәр көн бөтә уҡыусыларҙың да дәрескә тиклем, мәктәпкә автобус менән йөрөгән балаларҙыҡы автобусҡа ултырыр алдынан тән температураһын үлсәү мотлаҡ.
- Дәрес оҙонлоғо биш минутҡа ҡыҫҡартыла.
- Социаль дистанция – мотлаҡ талап.
Уҡыу йылын имен-аман башлап, үткәреп ебәреү мөһимлеген аңлатырға теләгән республика етәксеһе, тағы бер тапҡыр халыҡҡа мөрәжәғәт итеп: ”Уҡыусылар булған һәр ғаилә, уҡыу йорттарының һәр хеҙмәткәре, зинһар өсөн, үҙегеҙҙе һаҡлағыҙ. Артыҡ тәүәккәллек зарар килтереүе ихтимал, әгәр үҙегеҙе аҙ ғына насар тойһағыҙ ҙа, өйҙә ҡалығыҙ”, - тине.
Читайте нас:
© 2024 Башҡортостан Республикаһы Мәләүез районы "Көнгәк" ижтимағи-сәйәси гәзитенең рәсми сайты.
Сайт общественно-политической газеты г. Мелеуз и Мелеузовского района Республики Башкортостан «Конгэк».
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 26 авгусында бирелгән ПИ № ТУ 02-01429-се һанлы теркәү тураһындағы таныҡлыҡ.
Баш мөхәррир Абдрахманова Л.А.
Электрон почта
Адресы
Башҡортостан республикаһы, Мәләүез ҡалаһы, Воровский урамы, 6-сы йорт.
Телефон
+7 (347-64) 3-52-07