Әбет ауылы

Йәмле Нөгөш йылғаһы буйында урынлашҡан, хозур тәбиғәтле Әбет ауылында 40 йыл ғүмерен фельдшер һөнәренә бағышлаған, әлеге көндә хаҡлы ялда булған Тамара Ғәлимйән ҡыҙы Бикташеваны медсестралар көнө менән ҡотлайым!

Күпме кешегә ышаныс өҫтәгәнһегеҙ һеҙ, өмөт биргәнһегеҙ, ярҙам иткәнһегеҙ, шифалы ҡулдарығыҙ менән дауалағанһығыҙ. Барыһы өсөн дә сикһеҙ рәхмәт һеҙгә, Тамара апай! Бәтә ауыл халҡы исеменән мин һеҙгә иҫәнлек, бәхет теләйем. Кешеләргә ҡылған изгелектәреҙ мең мең рәхмәт булып үҙегеҙгә ҡайтһын. Тирә-яҡҡа йәм өҫтәп оҙаҡ йылдар беҙҙе ҡыуандырып йәшәгеҙ әле. Байрам менән!