Иғтибар: грипп!

Ҡала һәм районда эпидемиологик миҙгел башынан 27 грипп осрағы теркәлгән, шуның 15-е өлкәндәр һәм 12-һе балалар. Үткән аҙнала 327 киҫкен респиратор вирусы менән ауырыған осраҡ теркәлгән, уҙған аҙна менән сағыштырғанда был 1,4 тапҡыр артығыраҡ (229 осраҡ). 17 йәшкә тиклемге балалар вируслы инфекцияның 222 осрағы теркәлгән. Ауырыуҙар 1,5 тапҡырға артҡанда карантин индерелә. ОРВИ-ҙан айырмалы булараҡ грипп вирусы эләктергән кешенең кинәт кенә температураһы күтәрелә, башы ауырта, һөйәктәре һыҙлай башлай. Был төп симптомдарҙы үҙегеҙ ҙә билдәләй алаһығыҙ, ләкин теүәл диагнозды асыҡлар өсөн барыбер табипҡа күренергә кәрәк. Һуңынан төрлө өҙлөгөүҙәр килеп сыҡмаһын өсөн, һис шикһеҙ, үҙ белдегең менән дауаланырға ярамай. Грипты тейешенсә дауаламаһаң, пневмония, бронхит һәм ангина кеүек сирҙәргә юлығырға мөмкин. Юлия СИДОРЕНКОВА, врач эпидемиолог.