Башҡортостан егеттәре ниндәй сиргә бирешә

Башҡортостан егеттәре йышыраҡ ҡоро ер ғәскәрҙәренә, һауа-йыһан, хәрби-диңгеҙ флотына һәм һауа-десант ғәскәрҙәрендә хеҙмәт итә.

Башҡортостан егеттәрен хәрби хеҙмәткә алғанда тикшереү йәш быуынды кесе йәштән физик яҡтан әҙерләү, сыныҡтырыу зарурлығын күрһәтә. Табиптар саҡырылған биш меңдән ашыу егетте тикшергәндән һуң уларҙың күберәк эндокрин системаһы, күҙ, матдәләр алмашыныуының, туҡланыуҙың боҙолоуы, нервы системаһы һәм ҡан әйләнеше ауырыуҙарынан яфаланыуын асыҡлаған. Был Мәләүез егеттәрендә лә күҙәтелә, шулай уҡ умыртҡа һөйәге, яҫы табанлыҡ та киң таралған сир.