75 мең эш хаҡы

Райондың «Ашығыс ярҙам» хеҙмәтендә көндөҙ ҙә, төнөн дә телефон тауышы тынмай. Аҡ халатлылар ал-ял белмәй ярҙамға ашыға – уларҙың тырышлығы менән күпме ғүмер ҡотҡарылған. Ҡыҙғанысҡа ҡаршы, ялған саҡырыуҙар ҡәҙерле минуттарҙы урлай, ә был ваҡытта кемдеңдер ысынлап та ярҙамға бик мохтаж булыуы ихтимал.

«Былтыр Башҡортостанда ашығыс саҡырыуҙарға ваҡытында килеп етеү өлөшө 98,7 процент тәшкил итте», - тине республика хөкүмәтендәге “Һаулыҡ һаҡлау сәғәтендә” министр Максим Забелин Башҡортостандың 57 районында һәм ҡалаларҙа ашығыс медицина ярҙамы бүлексәләре эшләй. “Ашығыс ярҙам”да эшләгән урта медицина персоналының хеҙмәт хаҡы уҙған йылдың ғинуар-декабрендә уртаса 43,1 мең һум тәшкил итте. Кесе медицина персоналы иһә 33,9 мең һум самаһы алды. Ашығыс медицина ярҙамы табиптарының уртаса хеҙмәт хаҡы 74,9 мең һумдан артты”, - тип хәбәр итте Максим Забелин республика «Һаулыҡ һаҡлау сәғәте»ндә.