Бөтә яңылыҡтар
Һаулыҡ һаҡлау
26 Март 2020, 00:34

Һаҡланыу сараларын инҡар итергә ярамай

Балалар урамда йөрөгән өсөн ата-әсә язаға тарттырылыуы тураһында таратылған хәбәр, ысынында...

Интернетта бала ата-әсәнән башҡа сауҙа үҙәктәрендә, хатта урамда һәм транспортта йөрөгәне өсөн административ яуаплылыҡ янауын ишеткәс, айырыуса үҫмерҙәр хафаға ҡалды. Башҡортостандың Мәғариф министрлығы баланың йәмәғәт урындарында йөрөгәне өсөн административ яза ҡаралыуы хаҡында мәғлүмәтте кире ҡаҡты.
Мәктәптәр буйлап баланы түңәрәктәрҙә йәки өҫтәмә дәрестәрҙә асыҡлау өсөн рейдтар уҙғарылыуы, һөҙөмтәлә мәктәп етәкселегенә яза бирелеүе тураһында мәғлүмәт тә ялған.
Барлыҡ кәрәкле һәм дөрөҫ мәғлүмәт рәсми сайттарҙа ғына баҫыла, тип иҫкә төшөрҙөләр министрлыҡта. Ләкин һаҡланыу сараларын инҡар итергә ярамай - юҡтан ғына мәктәптәрҙә уҡытыу, дөйөм саралар туҡтатылманы бит!