Бөтә яңылыҡтар
Һаулыҡ һаҡлау
22 Июнь 2020, 02:17

Мәкерле сир яңы хәүеф менән янай

Табиптар дауалауҙа ҡан шыйыҡлаусы препараттарҙы индерә.

Коронавирус беҙ уйлағандан да мәкерлерәк булып сыҡты. Ул үҙгәреүсәнлеге менән ҡурҡыныс, инде серенә төшөндөк тигәндә яңы сифаты асыла. Ул йөрәк өсөн хәүефле, шуға күрә табиптар дауалауҙа ҡан шыйыҡлаусы препараттарҙы ла индерә.
21 июнгә Башҡортостанда раҫланған коронавирус инфекцияһы осраҡтары һаны 4 906 тәшкил иткән. Тәүлек эсендә республикала 56 кеше йоҡторған.
Һуңғы тәүлектә республикала коронавирустан вафат булғандар һаны үҙгәрмәгән һәм элеккесә 18 кеше тәшкил итә.
4 906 сирленең 2 381-һе һауыҡҡан, уларҙың 23-ө — һуңғы тәүлектә.