Һаулығым - байлығым

Һуңғы арала, грипп һәм һыуыҡ тейеп ауырығандар һаны кинәт артты. Кемдер әле уның H1N1 төрө таралған тип фаразлай. Сусҡа киҙеүе беренсе тапҡыр 2009 йылда барлыҡҡа килгән һәм бар донъяға таралған. Әлеге вирустан нисек һаҡланырға һәм уға ҡаршы көрәшергә? Интернет селтәрен байҡап, бер аҙ мәғлүмәт тупланыҡ. Ауырыу ҡапыл тән температураһының күтәрелеүе, быуындар ауыртыуы, ҡоро йүтәләтеү менән башланып китә. Шулай уҡ тамаҡ төбө ҡысыта, күңел болғана, танау тона. Был сиргә, беренсе сиратта, өлкән йәштәгеләр һәм балалар бирешә. Әлбиттә, хроник сирлеләр һәм йөклө ҡатындар ҙа һаҡланыу сараһын күрергә  тейеш. Шуның өсөн профилактика сараһын онотмағыҙ. Ҡулды һәр саҡ һабын менән йыуып,  бүлмәләрҙе даими елләтеп тотоғоҙ. Телефон, көнкүреш техника, компьютер клавиатураһын антисептик менән йыш таҙартығыҙ. Кеше күп булған ерҙә йөрөмәҫкә тырышығыҙ. Йәмәғәт урындарында битлек кейегеҙ. Нисек дауаланырға?