Аграрийҙар үҙ бурысын ваҡытында үтәй

Ауыл хужалығы идаралығы мәғлүмәтенә ярашлы, 7 майға ҡарата орлоҡ ағыулау тамамланған. Дым ҡаплатыу 26900 гектарҙа (77 процент) башҡарылған, ужым культуралары 10450 гектарҙа ашланған (80 процент), 3920 гектарҙа (30 процент) тырматылған. Күпйыллыҡ үлән майҙандарын ашландырыу тамамланған.

План буйынса ярауай һәм бөртөклөләр 43285 гектарҙа сәселәсәк, шуның 7645 гектарында эш башҡарылған (18 процент). Бойҙай 2460 гектарҙа, арпа 4130, һоло 520, борсаҡ 390 гектарҙа сәселгән.

Хужалыҡтарҙа 1879 тонна минераль ашлама тупланған (59 процент).

Аграрийҙар алдына яҙғы баҫыу эштәрен тиҙ һәм сифатлы тамамлау бурысы ҡуйылған.