Рәхмәт һәм маҡтауға лайыҡтар

Район иҡтисадының нигеҙен тәшкил иткән ауыл хужалығы һәм эшкәртеүсе сәнәғәт хеҙмәтсәндәре һөнәри байрамдарын киң билдәләне. Был көндә ҡала мәҙәниәт һарайына тармаҡтың иң яҡшы эшсәндәре йыйылды.

Тантаналы сараны асып, Башҡортостан Ауыл хужалығы министрлығы бүлек начальнигы Азат Мөхәмәтшин тәбрикләне. Мәләүез игенселәре, малсылары, эшкәртеүсе предприятие хеҙмәтсәндәре йыл һайын республикала юғары күрһәткестәре менән билдәле булыуын һыҙыҡ өҫтөнә алды. Тап уларҙың тырыш һәм намыҫлы хеҙмәте менән район Башҡортостанда алдынғы урынды биләй, шуның менән төбәктең дөйөм именлеген тәьмин итә.