Бөтә яңылыҡтар
Ауыл хужалығы
10 Сентябрь 2019, 13:05

Баҫыу көндәлеге

Район баҫыуҙарында ураҡ кампанияһы менән бер рәттән, ужым культураларын сәсеү бара, ул аҙна-ун көндән тамамланыр тип көтөлә.

Район баҫыуҙарында ураҡ кампанияһы менән бер рәттән, ужым культураларын сәсеү бара, ул аҙна-ун көндән тамамланыр тип көтөлә. Быйыл ужым 13178 гектарҙа сәселәсәк. Әле бүленгән майҙандың 69 процент ерҙә эштәр теүәлләнгән. “Район буйынса уңыш буйынса күрһәткес яҡшы, гектар ҡеүәте 24 центнер тәшкил итә”, - ти баш агроном Аркадий Шафиҡов.
Һауа торошо яҡшы торғанда Салауат исемендәге хужалыҡ, “Ашҡаҙар” кооперативы силос әҙерләү сараһын күрә. Әлегә 260 гектарҙа кукуруз сабылған, был төр мал аҙығының 14 процентын тәшкил итә.
Тупраҡты киләһе сәсеүгә әҙерләү маҡсаты менән ерҙе туңға һөрөү бара, барлыҡ майҙандың 40 проценты эшкәртелгән инде.