Республикала 2 миллион тоннанан ашыу яңы уңыш йыйылған

Ял көндәрендә республика игенселәре ашлыҡты тулайым йыйыу буйынса ике миллионлыҡ сикте үткән. Башҡортостанда 9 сентябргә барлыҡ иген һәм ҡуҙаҡлы иген культуралары майҙандарының 64% йыйып алынған, 2,1 миллион тоннанан ашыу ашлыҡ һуғылған. Төбәктә бер гектарҙан уртаса уңыш 19,8 центнер тәшкил итә, тип хәбәр республиканың Ауыл хужалығы министрлығынан.

Иң юғары уңыш — көньяҡ урман-дала зонаһының 11 районында. Бер гектарҙан — 26 центнер самаһы. Иң түбәне Урал аръяғында билдәләнгән. Йәйҙең ҡоро булыуы сәбәпле бында баҫыу уңышы гектарынан 9 центнерҙан кәмерәк тәшкил итә.

http://www.bashinform.ru/news/1351937-v-bashkirii-sobrano-bolee-2-mln-tonn-zerna-novogo-urozhaya/