Еңелсә ямғыр артыҡ ҡамасау түгел

Район хужалыҡтарында икенсе аҙна уңыш йыйыу эштәре дауам итә. Ауыл хужалығы бүлеге мәғлүмәтенә ҡарағанда, 31381 тонна ашлыҡ йыйып алынған. Ужым бойҙайының уртаса уңышы 31,6 центнер булһа, арыштыҡы 23,9 центнер тәшкил итә. Ярауай культураларҙан 5582 тонна арпа, 3283 тонна борсаҡ, 570 тонна һоло һуғып алынған. Шуныһы яҡшы, ямғыр бар ерҙә лә яумай, аҙыраҡ дымланһа ла элеваторҙарҙа, хужалыҡтарҙа киптергес ҡорамалдар бар.

Бер үк ваҡытта киләһе уңышҡа орлоҡ әҙерләнә, пар баҫыуҙарын ашлау дауам итә. Мал аҙығы туплау ҙа күҙ уңынан ысҡындырылмай, ҙур хужалыҡтар сенажға судан үләнен һала башланы.

Фото Интернеттан.