Килә лә етә икән…

Декабрь - бөтөн кешенең дә эше күп булған мәшәҡәтле ай. Хеҙмәт урындарында йылға йомғаҡ яһау, отчёттар әҙерләү, йыллыҡ килем-сығымды барлау, иҫәпләү, һөҙөмтәләр яһау, киләһе йылға пландар ҡороу осоро ул. Декабрь аҙағында магазиндарҙа, сауҙа үҙәктәрендә ығы-зығы башлана. Һатыуға байрамға ҡағылышлы атрибутиканы сығарып тултыралар. Көнсығыш календары буйынса киләһе йыл - Үгеҙ йылы, шунлыҡтан уның рәсеме төшөрөлгән сувенирҙарҙың иҫәбе-хисабы юҡ. Ә беҙ, гәзит уҡыусыларыбыҙ, ошо сыуалышта онотоп кителмәһен өсөн район хужалыҡтарындағы тоҡомло үгеҙҙәргә һүҙ бирергә булдыҡ.Александр Емелин хужалығынан абердин-ангус тоҡомло «Гриша» : - 2021 йылға хужа итеп ҡуйҙылар, бик яуаплы эш тапшырҙылар. Күктәребеҙ аяҙ, илебеҙ тыныс, барыбыҙ ҙа һау-сәләмәт булайыҡ!