Башҡортостан умартасылыҡ белгестәренең урман бал ҡорттары популяцияһы менән эшләү тәжрибәһе бар, — тине Башҡортостан Республикаһы Хөкүмәте вице-премьеры – ауыл хужалығы министры Илшат Фәзрахманов. – Шуға ла хеҙмәттәшлек үҙ емештәрен бирер тип ышанам. «Алтын Солок» өлкә ойошмаһы урман бал ҡорто популяцияһын үрсетеү маҡсатында ойошторола. Бөгөнгө көндә үҙәк рус тоҡомо бал ҡорттарын үрсетеү өсөн тоҡом үрсетеүсе һәм молекуляр генетик экспертиза лабораторияһы статусын ала. Алтын Солок лабораторияһында Рәсәйҙә бал ҡорто ДНК-һының иң ҙур банкы бар, ул даими тулыландырыла һәм яңыртыла. Был ҡиммәтле мәғлүмәт бал ҡортоноң һәр тоҡомо өсөн белешмә-асыҡлаусы булдырыу мөмкинлеген бирә.
Яҡтар берлектәге саралар планын тикшерҙе лә инде. «Алтын Солок» АНО директоры Марат Хәсәнов билдәләүенсә, был Белорус ҡурсаулығы территорияһында таҙа тоҡомло бал ҡорттарын эҙләү, Башҡортостан һәм Белоруссия лабораторияларында комплекслы генетик анализ тураһында һүҙ барҙы.
фото https://pravitelstvorb.ru