Дәүләтҡолдоң киләсәге бар

Ошо көндәрҙә беҙ, «Көнгәк» гәзите хеҙмәткәрҙәре, Дәүләтҡол ауылында булдыҡ һәм иң тәүҙә староста Ғәйнулла Зәйнулла улы Рахманғолов менән осраштыҡ. Бына ул нимәләр беҙгә бәйән итте:

- Рухлы кешеләр йәшәй бында, әммә йәш ғаиләләр әҙерәк. Барыһы Дәүләтҡолда 52 йорт, унда - йөҙҙән ашыу кеше.

Борсоған һорауҙар бар, әлбиттә. Юл мәсьәләһен мотлаҡ хәл итергә кәрәк. Эш юҡлыҡтан күптәр ситтә йөрөп аҡса табырға мәжбүр. Ферма булһа икән, тип, теләйбеҙ ҙә бит... Эшһеҙлек күптәрҙе, бигерәк тә, йәштәрҙе ҡаңғырта. Мәктәп тә, сауҙа нөктәһе, медпункт булмағас йәш ғаиләләр бик төпләнеп бармай ауылда. Мәктәп, медпункт, магазинға күрше Сухаревка ауылына йөрөйбөҙ. Бөтә ерҙә Интернет бар, ә беҙҙә ул бер нисә өйгә генә үткән. Күпме мөрәжәғәт итеп ҡараһаҡ та, әлегә тиклем ыңғай хәл ителмәй.