Бүләк фонды - 1 миллион һум

Башҡортостанда «Башҡортостан Республикаһының иң матур ауылы» конкурсы тамамланды.

Конкурс еңеүселәре, призерҙары һәм номинанттары 17 октябрҙә Башҡортостан юлдаш телеканалының тура эфирында иғлан ителә. Ошо кесаҙна иртәнге 9-ҙан 10-ға тиклем телеканалда призерҙарҙы һәм номинанттарҙы бүләкләү тантанаһы була.

Бүләк фонды - 1 миллион һум. Беренсе урын өсөн - 500 мең һум, икенсегә - 300 мең, өсөнсөгә - 200 мең һум. Бынан тыш, иң матур 12 ауыл төрлө номинацияларҙа билдәләнә, ә ҡалған 33-ө дипломдар менән бүләкләнә.