Биргәнде ала белергә лә кәрәк

Арыҫлан ауыл биләмәһе хакимиәте яңы мөмкинлектәр асҡан дәүләт проекттарын тормошҡа ашырыуға ҙур көс һала. Урындағы башланғыстарҙы хуплау программаһы буйынса былтыр Яңауыл ауылында зыярат тәртипкә килтерелде. Һәр кемдең ғәзиз кешеһе ятҡан мәңгелек йортто хәстәрләү сауаплы эш булһа, йәштәргә тормош һабағы ла ул. Үлгәндәрҙең ҡәберен, тереләрҙең ҡәҙерен бел, тиҙәр бит. Айырыуса киләсәген уйлағандар йәш быуын тәрбиәһенә иғтибар бирергә тейеш. Биләмәлә был тарафта ла әүҙем эш алып барыла. Быйыл Смаҡ ауылында балалар майҙансығы төҙөлдө.

2020 йылда Шәрип ауыл халҡы ла был изге эшкә ҡушылырға ниәтләй - ошо маҡсатта дөйөм йыйылыш уҙғарылды.