Тиҙҙән яһалма ит ашай башлаясаҡбыҙ

Очаковола ит комбинаты хеҙмәткәрҙәре яһалма иттән беренсе котлет тәҡдим иттеләр.

Был проект йүнәлешендә эш ике йыл дауам ителгән, махсус инженер лаборатория булдырылған. Бындай итте яһау өсөн ғалимдар элиталы абердин-ангус тоҡомло быҙау ите киҫәген ала һәм артабан үҫһен өсөн туҡлыҡлы мөхиткә урынлаштыра. Поект кураторы яңы йүнәлештең этик яҡтан мөһим булыуын билдәлй, сөнки ул хайуандарҙы ашау өсөн үҫтереүҙе һәм салыуҙы туҡтатырға мөмкинлек бирәсәк.

Бындай ит хәүефһеҙ һәм ике тапҡыр оҙағыраҡ һаҡлана.

2023 йылға яһалма ит һатыу кәштәләренә сығырға мөмкин. Килограмы яҡынса 800 һум торасаҡ.