За тебя!

Мине йәш кеше тип шаяртып ултырмағыҙ, серьезный һорау ҡуйылғанда.

Был хәл район ауылдарының береһендә була. Фермаға Иван исемле яңы зоотехник эшкә урынлаша. Һауынсылар менән танышып, исемдәрен дә белеп өлгөрмәҫ элек, береһе көн һорап килә. Надежда Зәминә менән алмашырға тип алдан һөйләшеп тә ҡуйған.

Кем булаһығыҙ? - тип һорай икән егет һауынсынан.

Надежда Логинова. Иртәгәлеккә ебәрмәҫһегеҙме икән, тип килгәйнем.

Ярар, за тебя эшләргә кем ҡала?

Заминя.

Ну, шул за тебя кем ҡала тип һорайым бит һуң.

Мин әйтәм, Заминя.

Иптәш Логинова, мине йәш кеше тип шаяртып ултырмағыҙ, серьезный һорау ҡуйылғанда. За тебя кем эшләй?

Заминя тим бит инде.

Зоотехник асыулана төшкән. Ә Надеждаға ҡыҙыҡ, көлөүҙән саҡ тыйылып, бер һүҙҙе ҡабатлап тик тора икән.

Һуңғы тапҡыр һорайым, Логинова, әтеү ебәрмәйем. Һеҙҙең өсөн кем эшләйәсәк?

Заминя.

Етте!