Бөтә яңылыҡтар
Ауыл тормошо
28 Май 2020, 16:51

Ауыл үҫә, яңы ғаиләләр барлыҡҡа килә

Ауылдарға сыҡһаң, береһенән-береһе матурыраҡ йорттар күҙҙе иркәләй. Торлаҡ булғас, йәш ғаиләләр ҙә ергә яҡыныраҡ булыуҙы хуп күрә.

Ауылда йәштәр ҡалыуы- ҡыуаныслы хәл. Яңы ғаиләләр ҡорола, йәштәр балалар үҫтерә. Дәүләт ярҙамы оло тормошҡа яңы аяҡ баҫҡандарға ышаныс өҫтәй. Ер эше менән шөғөлләнгән, мал аҫраған йәштәр күп хәҙер. Ауыл ипотекаһын алыусыларҙың яртыһынан күберәге – 35 йәшкә тиклемге йәш ғаиләләр. Льготалы ауыл ипотекаһынан файҙаланғанғандарға льготалы кредит бирелә.
Республика буйынса банктарға килгән ғаризаларҙың дөйөм күләме 140 миллиард һумдан күберәк. Әлеге механизмға ихтыяж булыуын иҫәпкә алып, финанслау суммаһын арттырыу мәсьәләһе өйрәнелә. Башҡортостан - ауыл ипотекаһы программаһында ҡатнашыу буйынса тәүгеләр иҫәбендә. Өс айҙа республикала «Ауыл биләмәләрен комплекслы үҫтереү» дәүләт программаһы буйынса яҡынса 3 миллиард һумлыҡ 1,5 мең ғариза хупланған. Биш йөҙ самаһы кеше 1 миллиард һумға льготалы кредит алған, тип хәбәр итәләр Ауыл хужалығы министрлығынан.