Юлдар - көнкүреш көҙгөһө

Районда "2025 йылға тиклем ауыл биләмәләрен комплекслы үҫтереү" программаһының дәүләт проектын тормошҡа ашырыуға ҙур иғтибар бирелә. Ауыл биләмәләрен төҙөкләндереү дауам итә.

Аптраҡ ауылы халҡы бөгөнгө үҙгәрештәрҙе һөйөнөп ҡаршы алды. М. Бакиров урамына асфальт түшәлде. С. Мәсәғүтов урамында ла капиталь ремонт бара. Күптән күтәрелгән юл проблемаһының хәл ителеше ауылдың яҡты киләсәгенә ышаныс тыуҙыра, шулай уҡ йәштәрҙә лә ауылда төпләнеп, донъя көтөү теләге уята, сөнки мөмкинлектәр арта.