Төпкөл ауылда ла интернетһыҙ эш бармай

Заман башҡа - заң башҡа, әле 21 быуат башында ла бар донъяны һанлаштырыуҙы күҙ алдына ла килтермәһәк, бөгөн интернетһыҙ тере ҡул, бер эш тә бармай. Ҡыҙыҡ та, ҡыҙғаныс та, ҡыҙым түләгәнен раҫлар өсөн ҡағыҙ вариантта бер документ алыр өсөн көнө буйы һалым инспекцияһын һағаланы. Система эшләмәгәс, бөтә эш туҡталды, ә уныһына икенсе көн генә йән өрөлдө. Бына шулай тормошобоҙ тулыһынса һанлаштырылған. Төрлө хеҙмәт, документтар әйләнеше интернет ресурстары аша башҡарыла. Ошо нигеҙҙә республика Хөкүмәте һәм «Башинформсвязь» йәмғиәте «Уңайлы интернет» проектын ғәмәлгә ашыра башланы. Төп маҡсат - төпкөл ауылдарҙы ла интернет менән тәьмин итеү.