-5 °С
Болотло
Бөтә яңылыҡтар
МХО-лағыларға ярҙам
9 Март , 16:00
Яугирҙәрге хәстәрләгән ағинәйҙәргә йырлы-моңло хөрмәт
Аҙнаһына ике тапҡыр йыйылып селтәр үргән, ағинәйҙәр ойошмаһына йөрөгән апайҙар барыһы ла оло хөрмәткә, маҡтау һүҙҙәренә лайыҡ. Улар араһында яугир әсәләре ла, улдарын яуҙан көткәндәре лә бар. Һәр сараның уртаһында ҡайнаған,йәш быуында телһөйәрлек, илһөйәрлек, әхлаҡими сифаттар, милли мәҙәниәтебеҙгә, тарихҡа һөйөү тәрбиәләү эштәре лә алып бара улар. “Ауылыбыҙ ағинәйҙәре – районда иң әүҙем эшләгән ойошма тип икеләнеүһеҙ әйтә алам. Тәүгеләрҙән булып махсус хәрби операциялағы яҡташтарыбыҙ өсөн гуманитар ярҙам да туплай башланылар”, - тине Арыҫлан ауылы биләмәһе башлығы Айрат Шәйәхмәтов өй эштәрен ситкә ҡуйып, яу ҡырындағыларға ярҙам итергә торған апайҙарға йылы рәхмәт һүҙҙәрен етекереп, татлы бүләк тапшырҙы. “Сулпылар” бейеү ансамбленә йөрөгән балаларҙың ҡул эштәрен ағинәйҙәргә бүләк иттеләр.
Яугирҙәрге хәстәрләгән ағинәйҙәргә йырлы-моңло хөрмәт
Кинйәбикә Юлмөхәмәтова етәкләгән Смаҡ ағинәйҙәр ойошмаһы яуҙан ҡайтҡан яҡташтар менән бәйләнеш булдырған: был юлы ла улар тыуған яҡҡа ялға ҡайтҡан “Бәләкәй” исемле Өсбаш ауылы яугирҙе үҙҙәренең эше менән таныштырҙылар, балалар ҡыуанысы менән йәшәргә насип булһын тип доғалар уҡыны, изге теләктәрен еткереп, Гөлмизан Таштимерова, Хөснә Иманғолова аят уҡыны.
Ауыл хакимиәтенең йәштәр буйынса белгесе Нәсимә Суҡбаева йырланы, китапханасы Зәлиә Байгилдина үҙенең бейеүен бүләк итте.
Ағинәйҙәр ойошмаһы етәксеһе Кинйәбикә Юлмөхәмәтова онтолоп барған башҡорт һүҙҙәрен һаҡлау ниәтенән барлыҡҡа килгән “Әлләсе “уйынын уйнанылар.
Яугирҙәрге хәстәрләгән ағинәйҙәргә йырлы-моңло хөрмәт
Новости партнеров