“БЕҘҘЕҢ ЗАМАН БАТЫРҘАРЫ. БАШҠОРТОСТАН ҒОРУРЛЫҒЫ”

Рәсәй Президенты Владимир Путиндың Указы менән 2020 йыл “Хәтер һәм дан йылы” тип иғлан ителде. Ошо йәһәттән 5 ноябрҙә “Беҙҙең заман батырҙары. Башҡортостан ғорурлығы” тип аталған киң күләмле проект старт алды.

Был сара барышында батырҙар тураһында видеоролик, баннерҙар рәүешендә социаль рекламалар эшләнәсәк, социаль селтәрҙәрҙә, киң мәғлүмәт сараларында арабыҙҙа йәшәгән ҡыйыу йөрәкле яҡташтарыбыҙ хаҡында мәғлүмәттәр донъя күрәсәк.

Шулай итеп, проектты бойомға ашырыу барышында ҡаһарман ватандаштарыбыҙҙың фотоһүрәттәре төшөрөлгән 100-ән ашыу баннер республиканың район һәм ҡалаларында ҡуйыласаҡ. Халыҡ үҙе лә батырҙарын тәҡдим итә ала. Уларҙы хәрби кешеләр араһынан ғына эҙләргә ярамай - ябай эшсе, спортта ҡаҙаныштарға өлгәшкән чемпион, ауыр минутта ярҙамға ташланған ябай кеше һ.б. була ала.

Ошондай замандаштарығыҙҙы белһәгеҙ, https://forms.gle/7fbbYzKQnjjZHXBu7 адресына инеп, улар хаҡында яҙып, анкета тултыра алаһығыҙ.

Йәш гвардияның төбәк бүлексәһе тарафынан ойошторолған “Беҙҙең заман батырҙары. Башҡортостан ғорурлығы” проекты Рәсәй Президенты фонды грантын отҡан. Башҡортостан Йәштәр сәйәсәте һәм спорт министрлығы, “Хәрби туғанлыҡ” һәм “Берҙәм Рәсәй” партияһы проекттың авторҙаштары булып тора.