“Лучше всех!” шоуына саҡыралар

23-24 ноябрҙә Максим Галкиндың “Лучше всех!” шоуына кастинг үткәрелә. Был шоуҙа Башҡортостан Республикаһы балаларының ҡатнаша алыуы “Мәҙәниәт” милли проектын тормошҡа ашырыуҙа мәртәбәле сара булмаҡсы.

Һәләте булған кескәйҙәр уның геройы булып китә ала. Шаян һәм етди, төплө аңлы һәм телдәр, оялсан һәм шуҡтар бармы арағыҙҙа? Шоуҙа яңы ғына һөйләшә башлаған ике йәшлектәр ҙә, ун ике йәшлек титуллы спортсы һәм артистар ҙа ҡатнаша ала.

Талантлы балаларҙы шоуға саҡыралар. Йырға, бейеүгә маһирҙар, теүәл һәм гуманитар фәндәрҙе, спортты үҙ итеүселәр, ҡул эштәренә оҫталар, шиғырҙар һәм прозаны яратыусылар, оҫта аралашҡан—һәммәгеҙҙе лә тапшырыуҙа күрергә теләйҙәр. 23-24 ноябрь Өфө ҡалаһының Октябрь проспекты, 34 (3-сө ҡат) адресы буйынса урынлашҡан “Йети” балалар үҙәгендә көтәләр!

8(927)9376963 һандарына шылтыратып яҙылыу мотлаҡ!