Беҙ урманды ҡурсаларға тейешбеҙ

Һәр бер һөнәрҙең күҙгә күренмәгән нескәлектәре күп. Урман хужалығы хеҙмәткәрҙәре яҙғы осорҙа ниндәй эш менән мәшғүл, ниндәй пландар менән йәшәүен белеү маҡсатында Стәрлетамаҡ урман хужалығы етәксеһе Рамазан Хәйҙәровҡа мөрәжәғәт иттек.

Урмансыларға ҡышын да эш етерлек: ноябрҙән март айына тиклем ҡарағай, йүкә ағасы орлоғо йыйҙылар. Ер-һыу ҡорой башлау менән юл буйҙарын сыбыҡ-сабыҡтан таҙартыу эштәре лә башланасаҡ.

Апрель аҙаҡтарында “Йәшел Башҡортостан”, май башында “Хәтер баҡсаһы - тормош баҡсаһы” акцияһы үткәреләсәк. Уның сиктәрендә Мәләүез, Воскресенский урмансылығында 3,4 гектар майҙанда ағас ултыртылыу күҙаллана. Йомғаҡлап әйткәндә, хеҙмәткәрҙәребеҙ урман культуралары миҙгелен асырға әҙер - техника бар, орлоҡ һәм ултыртыу материалы етерлек тупланды.