Башҡорт Артегы

Республикала “Башҡорт Артегы” лагерҙары селтәрен йыл әйләнәһенә ойоштороу планлаштырыла. Ошо идея менән төбәк Башлығы Радий Хәбиров Сибайға барғанда бүлеште. Радий Фәрит улы Төйәләҫ йылғаһы яры буйындағы “Шифа” балалар һауыҡтырыу лагерын ҡараны. Бында улар ҡала мэры Рөстәм Афзалов менән был учреждениены артабанғы үҫеш перспективаларын барланы. Бында ашхана, спорт залы, уҡыу кабинеттары булған яңы корпус төҙөү планлаштырыла. Ошонан һуң балаларҙы йыл әйләнәһенә ҡабул итеү мөмкин буласаҡ. Проект көҙгә әҙер буласаҡ.