Хеҙмәт - бәхет

Ауылдарға сыҡҡанда, баҫмабыҙҙы алдырыусылар менән осрашып һөйләшеү, әңгәмәләшеү мәлендә: “Ниндәй егәрле халыҡ йәшәй беҙҙә!” - тип һоҡланып ҡайтабыҙ.Корнеевка почта бүлексәһендә Нәсимә Бикҡолова менән бер туған килене Флүрә Йәмилеваны осраттыҡ. Совхоз осоронда хисапсы булып эшләгән апайҙар әле хаҡлы ялда. “Ашҡаҙар” хужалығы етәкселеге уларҙы онотмаған, быйыл, мәҫәлән, “Көнгәк”кә яҙҙырған, почтаға баҫма артынан килеүҙәре, шуға ла гәзит аша Илдус Хәлитовҡа рәхмәт белдерҙеләр. Апайҙар гәзит битендә бәхет, хөрмәт, уңыш килтергән хеҙмәт кешеләре тураһында мәҡәләләр уҡырға яратыуын әйтте.