Йәйегеҙ нисек үтә?

Йәйҙе һәр кем бик күп пландар төҙөп ҡаршылай: төҙөлөш, баҡса, мал, ҡош-ҡорт... Бигерәк тә ауыл ерендә эш күп. Ял тураһында ла оноторға ярамай. Мин дә әлеге ваҡытта ирем Ришат, улым Радмир менән Краснодар өлкәһендә Ҡара диңгеҙ буйында күңелле ваҡыт үткәрәбеҙ. Ҡояш, ҡом, диңгеҙ, тауҙар... Иҫ киткес матур урындар! Төрлө ергә экскурсияға йөрөйбөҙ. Яңы кешеләр менән танышып аралашабыҙ. Диңгеҙ шауын тыңлап, тулҡындар йүгергәнен күҙәтеп ултырыу - үҙе бер мөғжизә, яҡында ғына дельфиндар һикерешеп уйнағанын күрҙек. Тирә-яҡта хуш еҫле, беҙҙә үҫмәгән гөл-сәскәләр күҙҙе ҡамаштыра. Мин ошо мәл менән бәхетлемен.