Һауа торошо һынай

Шәмбе 30 градустан да түбәнерәк һалҡын менән һынаһа, ҡапыл йылытыу организмға тетрәндергес тәьҫир итә . 24, 25 ғинуарҙа республикала һауа торошона йылы фронт йоғонто яһай. Епшек ҡар, ҡар ҡатыш ямғыр яуыуы, урыны менән елдең тиҙлеге секундына 17 метрға тиклем көсәйеүе, боҙлауыҡ, сымдарға һәм ағастарға ҡар һырыуы ихтимал. Юлдарҙа ҡар һырынтылары, тайғаҡ. Көндөҙ температура 0, -5 градус була. Тиҙлек режимын, хәүефһеҙ дистанцияны һаҡлау, маневр яһағанда һәм машинаны туҡтатҡанда һағыраҡ булыу фажиғәне булдырмаҫҡа ярҙам итер. Махсус хеҙмәттәрҙе саҡырыу өсөн берҙәм телефон — 112. Башҡортостан Республикаһы Юл хужалығы идаралығының диспетчер хеҙмәте тәүлек әйләнәһенә эшләй: 8-927-955-11-00.