Бөтә яңылыҡтар
Общие статьи
7 Март 2021, 16:23

Башҡорттар - "Мөғжизәләр яланы"нда

Өфөнөң 92-се коррекция мәктәбе уҡыусыларына "Мөғжизәләр яланы"уйынында ҡатнашыу бәхете тейҙе.Әлиә Лоҡманова призға лайыҡ була, күп балалы әсә булараҡ, уға телевизор бүләк иткәндәр.

"Беренсе канал"дың "Мөғжизәләр яланы" тапшырыуында күптән түгел сибайҙар ҡатнашҡайны, бына тағы баш ҡалабыҙ уҡыусылары йәнә ҡыуандырҙы. Өфөнөң 92-се коррекция мәктәбе уҡыусыларына "Мөғжизәләр яланы"уйынында ҡатнашыу бәхете тейҙе. Уйында мәктәп уҡыусыларының береһенең әсәһе - Әлиә Лоҡманова ҡатнашты. Тапшырыуҙа шулай уҡ белем усағының рус теле һәм әҙәбиәте уҡытыусыһы етәкселегендә Сабина менән Айбулат "Йылға буйында" тип аталған башҡорт бейеүен башҡарҙы. Беҙҙең республиканы танытҡан Әлиә Лоҡманова призға лайыҡ булған, күп балалы әсә булараҡ, уға телевизор бүләк иткәндәр. Телевизор ҡараусылар яҡташтарыбыҙҙың сығышын 19 мартта ҡарай ала. Фото: "Башинформ".