Акцияла һәр кем ҡатнаша ала

5 октябрҙә Башҡортостанда ағастар һәм ҡыуаҡтар ултыртыу буйынса «Йәшел Башҡортостан» акцияһы күҙаллана. Һуңғы йылдарҙа республикала ошо маҡсатҡа ҙур иғтибар бирелә.

Быйыл апрель айында уҙған тәүге акцияла Башҡортостанда 109 меңдән ашыу ағас һәм ҡыуаҡ ултыртылды, унда 160 меңдән күберәк кеше ҡатнашты. Мәләүез районы һәм ҡалаһында был йүнәлештә етди эш башҡарылды. Хеҙмәт коллективтары, мәктәп уҡыусылары ҡатнашлығында Гагарин исемендәге паркта ағас ултыртылды.