Ағас ултыртыу дауам итә

5 октябрҙә, Республика көнө алдынан Башҡортостанда, шул иҫәптән беҙҙең район-ҡалала “Йәшел Башҡортостан” акцияһы үтә.

Был көндә Мәләүездә ағастар һәм ҡыуаҡтар ултыртырға планлаштырылған. Унда теләгән һәр кем ҡатнаша һәм республиканы йәшелләндереүгә үҙ өлөшөн индерә ала. Был юлы ҡалала, атап әйткәндә, яңы барлыҡҡа килгән Октябрь аллеяһында саған, миләш, тирәк ултыртыласаҡ. Шулай уҡ Федоровка трактын йәшелләндереү күҙаллана.

Тәүге акция республикала апрелдә үткәйне. Унда төрлө төбәктәрҙән 160 меңдән ашыу кеше ҡатнашты. 164 тематик аллея барлыҡҡа килде, 109 меңдән артыҡ ағас һәм ҡыуаҡтар ултыртылды.