Йылы яҡтан аҡҡоштар ҡайтҡан

"Башҡортостан" милли паркы мәғлүмәте буйынса аҡҡоштар Үрге Бикҡужа ауылы янындағы Ағиҙел йылғаһында ял итергә туҡтаған.

Яҙҙың иртә йылытыуы сәбәпле, улар ҙа иртәләгән, ғәҙәттә, аҡҡоштар көньяҡтан апрель уртаһында әйләнеп ҡайта.

Мәләүез районында аҡҡоштар изге ҡош һанала. Юрматы ырыуында аҡҡошто үлтергән кешенең ырыуы ҡорор, тиҙәр. Башҡорт мифологияһында ла был образ мөғжизәле сифаттарға эйә булған, кеше ҡиәфәтенә инә алған, бәндәләрҙе ҡурсалаған hәм яҡлаған, ҡояшты сағылдырған илаhи ҡош.