Смаҡтар ауыл менән өмәгә сыҡты

Яҙғыһын республика биләмәһендә өмәләр ойошторола. Нисәмә йылдар дауамында уҙған бындай сара хәҙер изге йолаға әүерелгән. Арыҫлан ауыл биләмәһенең Смаҡ ауылы халҡы бындай дөйөм эштән ситтә ҡалғаны юҡ. Сираттағыһында ла урамдар таҙартылды, һәр кемдең ишек алды тәртипкә килтерелде. Беҙҙең ауыл былай ҙа матур, күмәк эштән һуң ул тағы ла йәмләнде.
Ауылдарыбыҙ гөрләп торһон, илдә тыныслыҡ булһын.

Йыйыштырыу, йәшелләндереү, тәртиптә тотоу-һәр кемдең изге бурысына әүерелһен. Ололар ошондай сараларҙа ҡатнашып үҫеп килеүсе быуынға өлгө күрһәтә.

Кинйәбикә ЮЛМӨХӘМӘТОВА.