Хеҙмәтебеҙ һиңә, ҡалам!

“Тимер-бетон ҡоролмалары заводы” йәмғиәтендә изге йола һаҡлана, ул предприятие тарихы, ҡаҙаныштары тураһында һөйләгән музей, хеҙмәт алдынғыларына арналған Почет таҡтаһы. Хеҙмәт юлын башлаған йәш белгестәрҙе, беренсе сиратта, улар менән таныштыралар.

Зоя Ефимова хеҙмәт юлын заводта 1989 йылда башлай. Өс тиҫтә йыл формалаусы булараҡ, завод ниндәй генә һынауҙар үтмәһен, ул яратҡан һөнәренә тоғро ҡала. Ауыр физик көс талап иткән һөнәрҙән күңел тыныслығы алмаһаң, эшләү мөмкин дә түгелдер. Был йылдар арауығында Зоя Степановна әллә күпме йәш белгескә буласаҡ һөнәренә һөйөү тәрбиәләгән, эш тәжрибәһен уртаҡлашҡан - иҫәбе һаны юҡ.