Иҡтисади фараз

Рәсәйҙең Иҡтисади үҫеш министрлығы ил иҡтисадын тотоп торған һәм тотоп торасаҡ (2024 йылғаса фараздар) ун төбәк исемлеген баҫып сығарҙы. Федерацияның 2018 йылда тулайым төбәк продукты күләменең яртыһынан күберәген барлыҡҡа килтергәндәр исемлегенә Башҡортостан Республикаһы ла ингән. Рәсәй Президентының «2024 йылға тиклемге осорға Рәсәй Федерацияһын үҫтереүҙең милли маҡсаттары һәм стратегик бурыстары тураһында»ғы Май Указына арналған кәңәшмәлә Башҡортостан Башлығы Рөстәм Хәмитов: “Алты йылдан республиканың тулайым төбәк продукты 2 триллион һумдан артып китергә тейеш”, - тип хәбәр итте.