Хаҡтар ни хаҡ?

Йыл башынан Башҡортостанда тауарҙарға һәм хеҙмәттәргә ҡулланыу хаҡтары 2,1 процентҡа артҡан.

Августа хаҡтар һиҙелерлек төшкән тиһәләр ҙә, был һан ни бары 0,01 процент тәшкил итә. Миҙгелгә бәйле йәшелсә, емеш- еләк, сөгөлдөр, кишер, помидор, ҡыярға хаҡ 21-28 процентҡа, картуфҡа 19,4 процентҡа арзанайыуы хаҡтарҙың артыуын бер аҙ тотҡарлаған. Шуға ҡарамаҫтан, башҡа аҙыҡ-түлек 0,3 процентҡа ҡиммәтләнгән. Һөҙөмтәлә, хаҡ бер айҙа 1,8 процентҡа артҡан.

Газ, мотор яғыулығына (8,5 процентҡа) һәм тәмәке изделиеларының айырым төрҙәренә (1,3-3,3) хаҡтар күтәрелгән.

Хеҙмәт күрһәтеү 2,5 процентҡа артҡан. Ҡулланыусылар кредиты 7 процентҡа, ә балаларҙы тәрбиәләү буйынса хеҙмәттәр 4,4 процентҡа күтәрелгән.

Бөгөн баҙарҙа иң күп ҡулланылған аҙыҡ-түлеккә хаҡтар - картуфтың килограмы 20-25 һум, ит һәм ярымфабрикаттар - 260-300 һум, һөттөң литры - 28-35, аҡ май - 300 һум тәшкил итә.