+16 °С
Болотло
Бөтә яңылыҡтар
Иҡтисад
2 Октябрь 2019, 17:31
Башҡортостан Рәсәй төбәктәренең инвестиция мөхите медиарейтингында тәүге бишәү иҫәбенә инде
2019 йылдың август йомғаҡтары буйынса Башҡортостан үҙенең позицияларын яҡшыртты һәм Яңы проекттарҙы үҫтереү буйынса стратегик башланғыстар агентлығының Рәсәй төбәктәренең инвестиция мөхите медиарейтингында дүртенсе урынды алды.
2019 йылдың август йомғаҡтары буйынса Башҡортостан үҙенең позицияларын яҡшыртты һәм Яңы проекттарҙы үҫтереү буйынса стратегик башланғыстар агентлығының Рәсәй төбәктәренең инвестиция мөхите медиарейтингында дүртенсе урынды алды. Был турала Башҡортостан Иҡтисади үҫеш министрлығының матбуғат хеҙмәтенән хәбәр иттеләр.
Беренсе урынды Приморье крайы яуланы, икенселә — Һамар өлкәһе, өсөнсөлә — Мәскәү өлкәһе.
Медиарейтинг федераль һәм төбәк киң мәғлүмәт сараларында телгә алыу нигеҙендә төҙөлә.
Төҙөгәндә Рәсәй Федерацияһы субъекттарында Инвестиция мөхите торошоноң милли рейтингы күрһәткестәре баһалана.
Медиарейтинг төбәктәрҙе инвестиция һәм эшлекле мөхитте яҡшыртыуҙағы уңыштарын асыҡ яҡтыртыуға дәртләндереү өсөн булдырылған. Был эш, тәү сиратта, урындағы эшҡыуарҙарға, шулай уҡ инвесторҙарға йүнәлтелергә тейеш.
Хәтерегеҙгә төшөрәбеҙ, 2019 йылдың март рейтингы һөҙөмтәләре буйынса Башҡортостан алтынсы урында ине.
Читайте нас в
Редакция һайлауы