Бөтә яңылыҡтар
Иҡтисад
10 Декабрь 2019, 16:28

Эшләгәндәргә ярҙам

Эшҡыуарлыҡтың ниндәй өлкәһендә эш алып барыуҙарына ҡарамаҫтан, йүнсел хужаларға республикала төрлө яҡлап ярҙам күрһәтелә.

Эшҡыуарлыҡтың ниндәй өлкәһендә эш алып барыуҙарына ҡарамаҫтан, йүнсел хужаларға республикала төрлө яҡлап ярҙам күрһәтелә.

Уҙған аҙнала район хакимиәте башлығы Рөстәм Шәмсетдинов етәкселегендә уҙған сираттағы «Эшҡыуарлыҡ сәғәте» ндә малсылыҡ менән шөғөлләнгән Александр Виденеев етәкселеккә үҙ эше буйынса барлыҡҡа килгән мөһим мәсьәләләрҙе хәл итеүҙә ярҙам һорап мөрәжәғәт итте.

Александр Николаевич иҫәбендә 180 гектар бесәнлек ере бар, 120 гектар һөрөнтө ерҙе рәсмиләштереү менән шөғөлләнә. Хужалыҡҡа әлеге көндә утыҙ биш баш һыйыр малы һатып алынған, аҙбар төҙөлгән.

Ул киләсәктә һөт фермаһы төҙөп, һыйыр һәм йылҡы малдары һанын арттырмаҡсы. Әлеге ваҡытта уның хужалығында ни бары дүрт кеше эшләһә, артабан утыҙ кешегә эш урыны буласаҡ, тип күҙаллана. Киләһе йылға ул тоҡомло йылҡы һәм һыйыр малы һатып алыуҙы планлаштыра. Үҙ проектын 2025 йылғаса ғәмәлгә ашырмаҡсы.

Район етәксеһе Рөстәм Наил улы кәңәшмә эшенә йомғаҡ яһап, Александр Николаевичҡа үҙ кәңәштәрен бирҙе.